Uyghur Oqughuchilar Munbiri
Uyghur Oqughuchilar Munbiri

yawrupada oquwatqan, we yawrupagha kilip oqushqa qiziqidighan uyghurlar üchün pikir almashturush supisi
 
HomeHome  Uyghur Latin YiziqiUyghur Latin Yiziqi  CalendarCalendar  GalleryGallery  IzdeshIzdesh  XetküchlerXetküchler  FAQ (Soal-Jawablar)FAQ (Soal-Jawablar)  TizimlitishTizimlitish  mushtir bolungmushtir bolung  Kirish  
Latest topics
» Yengi Eza(lar)din Munber Ehlige Salam
by alibay 19.07.12 11:59

» 2012-yilliq wetendin kelgen oqush mukapat puligha iltimas qilish waqti toshup qaldi
by oghuzkb 02.05.12 3:25

» nijat hoshur akimizning körgezmisi yerlik xewerlerde
by oghuzkb 19.03.12 17:40

» Pseudomonas xinjiangensis sp – wetendin tepilghan bakterye
by Esra 28.12.11 13:37

» تۈركىيەدە ئوقۇش
by oghuzkb 26.12.11 2:47

» Germaniyege oqushqa kelgen zhongguoluq oqughuchilarning ozini tizimgha aldurush jedwili
by oghuzkb 19.11.11 14:36

» uyghur dokturlar heqqide
by Mung_kuy 10.09.11 11:19

» Xosh Xewer: Xinjiang tewelikidiki her millet oqughuchilirigha 2011. yildin bashlap oqush mukapat puli birildu.
by oghuzkb 05.09.11 4:26

» uyghur akadimyesige i'ane
by oghuzkb 30.08.11 13:57

ulinishlar
meripet

UA

Biliwal

UKIJ

Yulghun

TipTop

TipTop

meripet

Share Tewsiye
Diqqet

Bu peqet bir ilmi pikir almashturush supisi. eger bu yerdiki yazmilarda bashqilarning eser hoqoqigha, kishilik hoquqigha, jungxua xeliq jumhuryiti we yazghuchi özi yashawatqan dölettiki qanun-siyasetlerge xilapliq qilinidighan ehwal körülse, munbirimiz jawabkarliqni üstige almaydu, yazma yazghuchi özi ige boloshi kirek!


Share | 
 

 Abdushükür Muhemmetimin

Go down 
AptorMeséj
korshat
8.tomuz
avatar

Yézilmilar Sani : 325
töhpe : 615
tizimlatqan waqti : 2009-05-31
yishi : 35
Orni : Deutschland

YollashMawzu: Abdushükür Muhemmetimin   25.02.10 15:43

Abdushükür Muhemmetimin


uyghur medeniyiti we uyghur tarixi tetqiqati sahesidiki bösüsh xaraktérliq ilmiy muweppeqiyetliri hem bedi'iy ijadiyet sahesidiki utuqliri bilen shöhret qazanghan meshhur alim, talantliqedib, töhpikar ma'aripchi. abdushükür muhemmed imin 1933-yili 9-ayning 28- küna atushning meshihedke tutash baghériq kentidiki oqumushluq a'ilidedunyagha kelgen.
abdushükür muhemmedimin diniy terbiyini qisqa muddet alghandin kéyin,1950 -yilighiche nezer-baghdiki qeshqer darilmu'ellimining ottura mektep sinipida 4yil oqughan.1950-yili gherbi shimal yashlar birleshmisi we oqughuchilar birleshmisi qurultiyigha wekil bolup qatnashqan. yighindin kiyin shi'en, béyjing, tyenjin qatarliq sheherlerde ikiskursiyide bolghan we shu yilning axiri ürümchidiki sabiq shinjang institutining bi'o- ximye fakultptigha qobul qilinghan. 1952- yili oqush püttürüp, mektepning özigeteqsim qilinghan, shuyili junggo kommunistik partiyisige eza bolghan. mektepte birtereptin ösümlükler fizi'ologiyisi, ösümlükler patalogiyisi,hasharatshunasliq qatarliq derislerge terjiman oqutquchi bolghan,yene bir tereptin fizika,matématika,bi'ologiye,ximiye we agronomiye siniplirigha marksizm asasliri pelsepe derslirini ötigen. 1953- yili u shi'endiki gherbiy shimal uniwprsitptining marksiz maspirantoriyisige oqushqa ewetilip biryil bilim ashurghan.aspirantoriyini püttürüp ana mektipige qaytip kelgendin kéyin marksizm kafidirasida pelsepe oqutquchisi bolup bir nechche xil ders ötigen webu derslerning derslikini tüzüp chiqqan. bu iqtidarliq yash oqutquchi 1955- yilidin bashlap neshir qilinghan shinjang instituti ilmiy jurnili(uyghurche neshri)ning mesul muherrirlikini qoshumche üstige alghan.uning tetqiqat hayati ene shu yillarda resmiy bashlanghan.uning ikki tilda yazghan uyghurxelqining 11-esirdiki ikki büyük alimi namliq ilmiy maqalisi 1956-yili mezkur ilmiy jurnalning xenzuche hem uyghurche sanida élan qilinghan. bu shinjang uyghurliri arisida qutadghubilik we törkiy tillar diwani tetqiqati sahesidiki tunji ilmiy tetqiqat idi. u mushu maqalisi sewebidin 20 yil ongchi qalpiqi kiygen.1959- yili u partiyidiki xizmitidin heydep chiqirilip,emgek bilen terbiyilesh ornigha ewetilgen.1961- u emgek bilen terbiyilesh ornidin qoyuwétilgen.
abdushükür muhemmedimin1966- yili medeniyet zor inqilabi bashlanghangha qeder töt yil jeryanida shinjang uniwérsitéti kutupxanisida nazaret astida ishligen. bu jeryanda u ilimxumar alim junggoning meshhur klassik eserliri bolghan«elni idare qilishning örneklirini,24 tarixni,engliye dramatorgi shikspirning 36 sehne esirini,hindistanning ramanaya,maxapirata dastanlirini, sowét ittipaqida neshr qilinghan 15 tomluq(32 kitab) dunya tarixi ni, omumiy tang nezmiliri ni, bayrunning don ju'an dastanini, homérning illada we odéssa dastanlirini, yunan we rimning epsane - riwayetlirini, quran kerim, injil we tewrat ning xenzuche terjime nusxiliri,eplatun,arstotil eserlirini, dantining tengri komidiyisi dastanini, gomoro we tyenxenning tarixi dramilirini,markis ingilis eserlirini, newa'i, babur, meshrep shé'irlirini oqughan we ögengen. u bujeryanda 30 nechche xatire depterni öginish xatirisi bilen toldurghan.u mushu yillarda qarliq tagh shejerisi namliq dastan we sumurghlar qoshiqi,qedimki yipek yoli,xen ordisida bahar,melike xu'arung,tengritagh naxshisi,dat basmas qilich, pile melikisi qatarliq yette parche tarixiy drama yézip chiqqan.jawahirul haqayiq dégen mawzuda qedimki merkizi asiya(bu kitab1995-yilining béshida 4-qétim tözitilgende alim qedimki turan tarixi dep atighan) namliq kitabning deslepki nusxisini qoldin chiqarghan. yene barmaq wezinlik bir türküm muhebbet lirikilirini yézip chiqqan.
medeniyet zor inqilabi axirlashqandin kiyinki deslepki mezgilde izdinish we ijad qilish rohi küchlük bu alim aq térorluq qaplighan ashu ensiz yillarda parche - parche yazghan 500 parchidin artuq ruba'iysini retligen. sewdaliq te'ejjupnamisi (bügünki zaman edebiyat tariximizdiki tunji nesirler toplimi)namliq lirik nesirler toplimini toluq tamamlighan.1978- yili partiye11- nöwetlik merkiziy komitéti 3 - omumiy yighinidin kéyin, Abdushükür Muhemmedimin siyasiy jehette ziyankeshlikke uchrighan hem xata ongchi qilinghan dégen xulase bilen aqlanghan we1980-yil u edebiyat fakultptigha yötkilip omumiy istitika dersini tesis qilip ötöshke kirishken . shuningdin kéyin uning kitab, maqale, ruba'iy, shir- ghezelliri arqa - arqidin ilan qilinishqa bashlighan. 1986- yili u yapuniyide ilmiy ziyarette bolup ottura esir uyghur medeniyitining yitök qamusi- (qutadghubilik) dégen témida liksiye sözligen 1980-yillarda uning 200 parchidin artuq ilmiy maqalisi, uyghur klassik muzikisi 12 muqam heqqide, shinjangning tang dewridiki naxsha- usul seniti, farabi we uning pelsepe sistémisi,omumiy pstptika,choghluq, ruba'iyat(1), ruba'iyat(2), qarliq tagh shejerisi qatarliq kitabliri neshr qilinghan. uning yene 1980- yillardin kéyin élan qilinghan:- rohni saghlamlashturush milletni göllendürüshning muqeddimisi,hesetxorluq heqqidehesretlik xiyallar,arifname, yipek yolidiki toqquz hékmet, yipek yolidiki bir chong illet qatarliq bir qatar isil maqaliliri we siktay- sak- uyghurlarning kiyim- kéchek medeniyitidiki eneniwi izchilliq, uyghur ejdadliri mey medeniyiti,islamiyettin ilgiriki wekpyinki gherbiy yurt usul senitining tarixiy uchuri, elishir newa'ining medeniyet tariximizdiki orni,on ikki muqam we newa'ixanliq enenisi,noruz bayrimi we'uning tarixiy qatlimi toghrisida,heqiqet üstide izdinish heqiqiy tetqiqatchining burchi qatarliq köpligen ijtima'iy mulahize we tetqiqat maqaliliri ijtima'iy hayatimizni chüshinishte wemedeniyet tariximizni tetqiq qilishta yéngi yol échip berdi. heqiqetenmu bu munewwer alimning ashu yillarda yazghan we tözetken uyghur pelsepe tarixi, gherbiy yurt tashkimir seniti, qotadghubilik xezinisi, uyghur muqam xezinisi,sewdaliq te'ejjupnamisi qatarliq katta eserliri uning wapatidin kéyin bir- birlep neshr qilindi. balasaghunning orni mesilisi heqqide, yipek yolida qayta oylinish,soghdilar we uning ptnik warisliri toghrisida,chin we machinning jughrapiyilik uqum da'irisi qatarliq nechche on parche ilmiy maqalisimu gézit - jurnallarda élan qilindi. bu eserler uyghurtarixi we uyghur medeniyet tarixi tetqiqatigha yipyingi tüs qoshqan idi.
epsuski uyghur xelqining meshhur alimi,talantliq edebiy,töhpikar baghwini, mol méwilik profisori abdushökör muhemmedimin özning bir talay yazmilirini, güzel arzu- armanlirini xelqige qaldurup, -1995 yili 2-ayning 27-küni ziqqa késili tuyuqsiz qozghilishi sewebi bilen 62 yéshida bu'alem bilen xeyirleshti.

Menbe : http://uyghuracademy.org/uyghur/?p=346

_________________
Büyük insanlar yingi pikirlerni tartishar,
Normal insanlar Netijini tartishar,
Kichik insanlar Kishilerni tartishar.


Eng axirqi qétim korshat teripidin 26.02.10 7:36 da özgertildi, jem'iy 5 qétim özgertildi.
Choqqigha qaytish Go down
korshat
8.tomuz
avatar

Yézilmilar Sani : 325
töhpe : 615
tizimlatqan waqti : 2009-05-31
yishi : 35
Orni : Deutschland

YollashMawzu: Re: Abdushükür Muhemmetimin   25.02.10 15:46



ئابدۇشۈكۈر مۇھەممەتئىمىن


ئۇيغۇر مەدەنىيىتى ۋە ئۇيغۇر تارىخى تەتقىقاتى ساھەسىدىكى بۆسۈش خاراكتېرلىق ئىلمىي مۇۋەپپەقىيەتلىرى ھەم بەدىئىي ئىجادىيەت ساھەسىدىكى ئۇتۇقلىرى بىلەن شۆھرەت قازانغان مەشھۇر ئالىم، تالانتلىق ئەدىب، تۆھپىكار مائارىپچى. ئابدۇشۈكۈر مۇھەممەد ئىمىن 1933-يىلى 9-ئاينىڭ 28- كۈنى ئاتۇشنىڭ مەشىھەدكە تۇتاش باغېرىق كەنتىدىكى ئوقۇمۇشلۇق ئائىلىدە دۇنياغا كەلگەن.
ئابدۇشۈكۈر مۇھەممەدئىمىن دىنىي تەربىيىنى قىسقا مۇددەت ئالغاندىن كېيىن،1950 - يىلىغىچە نەزەر-باغدىكى قەشقەر دارىلمۇئەللىمىنىڭ ئوتتۇرا مەكتەپ سىنىپىدا 4يىل ئوقۇغان.1950-يىلى غەربى شىمال ياشلار بىرلەشمىسى ۋە ئوقۇغۇچىلار بىرلەشمىسى قۇرۇلتىيىغا ۋەكىل بولۇپ قاتناشقان. يىغىندىن كىيىن شىئەن، بېيجىڭ، تيەنجىن قاتارلىق شەھەرلەردە ئىكىسكۇرسىيىدە بولغان ۋە شۇ يىلنىڭ ئاخىرى ئۈرۈمچىدىكى سابىق شىنجاڭ ئىنستىتۇتىنىڭ بىئو- خىميە فاكۇلتېتىغا قوبۇل قىلىنغان. 1952- يىلى ئوقۇش پۈتتۈرۈپ، مەكتەپنىڭ ئۆزىگەتەقسىم قىلىنغان، شۇيىلى جۇڭگو كوممۇنىستىك پارتىيىسىگە ئەزا بولغان. مەكتەپتە بىرتەرەپتىن ئۆسۈملۈكلەرفىزىئولوگىيىسى، ئۆسۈملۈكلەر پاتالوگىيىسى،ھاشاراتشۇناسلىق قاتارلىق دەرىسلەرگە تەرجىمان ئوقۇتقۇچى بولغان،يەنە بىر تەرەپتىن فىزىكا،ماتېماتىكا،بىئولوگىيە،خىمىيە ۋە ئاگرونومىيە سىنىپلىرىغاماركسىزم ئاساسلىرى، پەلسەپە دەرسلىرىنى ئۆتكەن. 1953- يىلى ئۇ شىئەندىكى غەربىي شىمال ئۇنىۋېرسىتېتىنىڭ ماركسىزم ئاسپىرانتورىيىسىگە ئوقۇشقا ئەۋەتىلىپ بىريىل بىلىم ئاشۇرغان.ئاسپىرانتورىيىنى پۈتتۈرۈپ ئانا مەكتىپىگە قايتىپكەلگەندىن كېيىن ماركسىزم كافىدىراسىدا پەلسەپە ئوقۇتقۇچىسى بولۇپ بىر نەچچە خىل دەرس ئۆتكەن ۋەبۇ دەرسلەرنىڭ دەرسلىكىنى تۈزۈپ چىققان. بۇ ئىقتىدارلىق ياش ئوقۇتقۇچى 1955- يىلىدىن باشلاپ نەشىر قىلىنغان شىنجاڭ ئىنستىتۇتى ئىلمىي جۇرنىلى (ئۇيغۇرچە نەشرى) نىڭ مەسئۇل مۇھەررىرلىكىنى قوشۇمچە ئۈستىگە ئالغان. ئۇنىڭ تەتقىقات ھاياتى ئەنە شۇ يىللاردا رەسمىي باشلانغان. ئۇنىڭ ئىككى تىلدا يازغان "ئۇيغۇرخەلقىنىڭ 11-ئەسىردىكى ئىككى بۈيۈك ئالىمى" ناملىق ئىلمىي ماقالىسى 1956-يىلى مەزكۇر ئىلمىي جۇرنالنىڭ خەنزۇچە ھەم ئۇيغۇرچە سانىدا ئېلان قىلىنغان. بۇ شىنجاڭ ئۇيغۇرلىرى ئارىسىدا قۇتادغۇبىلىك ۋە تۈركىي تىللار دىۋانى تەتقىقاتى ساھەسىدىكى تۇنجى ئىلمىي تەتقىقات ئىدى. ئۇ مۇشۇ ماقالىسى سەۋەبىدىن 20يىل ئوڭچى قالپىقى كىيگەن.1959 - يىلى ئۇ پارتىيىدىكى خىزمىتىدىن ھەيدەپ چىقىرىلىپ، ئەمگەك بىلەنتەربىيىلەش ئورنىغا ئەۋەتىلگەن.1961- ئۇ ئەمگەك بىلەن تەربىيىلەش ئورنىدىن قويۇۋېتىلگەن.
ئابدۇشۈكۈر مۇھەممەدئىمىن1966- يىلى مەدەنىيەت زور ئىنقىلابى باشلانغانغا قەدەر تۆت يىل جەريانىدا شىنجاڭ ئۇنىۋېرسىتېتى كۇتۇپخانىسىدا نازارەت ئاستىدا ئىشلىگەن. بۇ جەرياندا ئىلىمخۇمار ئالىم جۇڭگونىڭمەشھۇر كلاسسىك ئەسەرلىرى بولغان"ئەلنى ئىدارە قىلىشنىڭ ئۆرنەكلىرى"،"24تارىخ"، ئەنگىليە دراماتورگى شپكسپىرنىڭ 36سەھنە ئەسىرى، ھىندىستاننىڭ "رامانايا"، "ماخاپىراتا" داستانلىرى، سوۋېت ئىتتىپاقىدا نەشر قىلىنغان 15توملۇق (32كىتاب) دۇنيا تارىخى، ئومۇمىي تاڭ نەزمىلىرى، بايرۇننىڭ "دون جۇئان" داستانى، ھومېرنىڭ "ئىللادا" ۋە "ئودېسسا" داستانلىرى، يۇنان ۋە رىمنىڭ ئەپسانە - رىۋايەتلىرى، قۇرئان كەرىم، ئىنجىل ۋە تەۋرات نىڭ خەنزۇچە تەرجىمە نۇسخىلىرى، ئەپلاتۇن، ئارستوتىل ئەسەرلىرى، دانتىنىڭ تەڭرى كومىدىيىسى داستانى، گومورو ۋە تيەنخەننىڭ تارىخى درامىلىرى،ماركىس ئىنگېلىس ئەسەرلىرى، نەۋائى، بابۇر، مەشرەپ شېئىرلىرى قاتارلىق بىر يۈرۈش كىتابلارنى ئوقۇغان ۋە ئۈگەنگەن. ئۇ بۇجەرياندا 30 نەچچەخاتىرە دەپتەرنى ئۈگىنىش خاتىرىسى بىلەن تولدۇرغان. ئۇ مۇشۇ يىللاردا "قارلىق تاغ شەجەرىسى" ناملىق داستان، "سۇمۇرغلار قوشىقى"، "قەدىمكى يىپەك يولى"، "خەن ئوردىسىداباھار"، "مەلىكە خۇئارۇڭ"، "تەڭرىتاغ ناخشىسى"، "دات باسماس قىلىچ"، "پىلە مەلىكىسى" قاتارلىق يەتتە پارچە تارىخىي دراما يېزىپ چىققان. "جاۋاھىرۇل ھەقايىق" دېگەن ماۋزۇدا "قەدىمكى مەركىزى ئاسىيا" (بۇ كىتاب1995-يىلىنىڭ بېشىدا 4-قېتىم تۈزىتىلگەندە ئالىم قەدىمكى تۇران تارىخى دەپ ئاتىغان) ناملىق كىتابنىڭ دەسلەپكى نۇسخىسىنى روياپقا چىقارغان. يەنە بارماق ۋەزىنلىك بىر تۈركۈم مۇھەببەت لىرىكىلىرىنى يېزىپ چىققان.

مەدەنىيەت زور ئىنقىلابى ئاخىرلاشقاندىن كىيىنكى دەسلەپكى مەزگىلدە ئىزدىنىش ۋە ئىجاد قىلىش روھى كۈچلۈك بۇ ئالىم ئاق تېرورلۇق قاپلىغان ئاشۇ ئەنسىز يىللاردا پارچە - پارچە يازغان 500 پارچىدىن ئارتۇق رۇبائىيسىنى رەتلىگەن. سەۋدالىق تەئەججۇپنامىسى (بۈگۈنكى زامان ئەدەبىيات تارىخىمىزدىكى تۇنجى نەسىرلەر توپلىمى) ناملىق لىرىك نەسىرلەر توپلىمىنى تولۇق تاماملىغان.1978- يىلى پارتىيە11- نۆۋەتلىك مەركىزىي كومىتېتى 3 - ئومۇمىي يىغىنىدىن كېيىن، ئابدۇشۈكۈر مۇھەممەدئىمىن سىياسىي جەھەتتە زىيانكەشلىككە ئۇچرىغان ھەم خاتا ئوڭچى قىلىنغان دېگەن خۇلاسە بىلەن ئاقلانغان ۋە 1980-يىل ئۇ ئەدەبىيات فاكۇلتېتىغا يۆتكىلىپ ئومۇمىي ئىستېتىكا دەرسىنى تەسىس قىلىپ ئۆتۈشكە كىرىشكەن . شۇنىڭدىن كېيىن ئۇنىڭ كىتاب، ماقالە، رۇبائىي، شىئېر- غەزەللىرى ئارقا - ئارقىدىن ئىلان قىلىنىشقا باشلىغان. 1986- يىلى ئۇ ياپۇنىيىدە ئىلمىي زىيارەتتە بولۇپ "ئوتتۇرا ئەسىر ئۇيغۇر مەدەنىيىتىنىڭ يىتۈك قامۇسى- (قۇتادغۇبىلىك)" دېگەن تېمىدا لېكسىيە سۆزلىگەن. 1980-يىللاردا ئۇنىڭ 200 پارچىدىن ئارتۇق ئىلمىي ماقالىسى، "ئۇيغۇر كلاسسىك مۇزىكىسى 12 مۇقام ھەققىدە"، "شىنجاڭنىڭ تاڭ دەۋرىدىكى ناخشا- ئۇسۇل سەنىتى"، "فارابى ۋە ئۇنىڭ پەلسەپە سىستېمىسى"، "ئومۇمىي ئېستېتىكا"، "چوغلۇق"، "رۇبائىيات(1)"، "رۇبائىيات(2)"، "قارلىق تاغ شەجەرىسى" قاتارلىق كىتابلىرى نەشر قىلىنغان. ئۇنىڭ يەنە 1980- يىللاردىن كېيىن ئېلان قىلىنغان "روھنى ساغلاملاشتۇرۇش مىللەتنى گۈللەندۈرۈشنىڭ مۇقەددىمىسى"، "ھەسەتخورلۇق ھەققىدە ھەسرەتلىك خىياللار"، "ئارىفنامە"، "يىپەك يولىدىكى توققۇز ھېكمەت"، "يىپەك يولىدىكى بىر چوڭ ئىللەت" قاتارلىق بىر قاتار ئىسىل ماقالىلىرى ۋە "سىكتاي- ساك- ئۇيغۇرلارنىڭ كىيىم- كېچەك مەدەنىيىتىدىكى ئەنەنىۋى ئىزچىللىق"، "ئۇيغۇر ئەجدادلىرى مەي مەدەنىيىتى"، "ئىسلامىيەتتىن ئىلگىرىكى ۋە كېيىنكى غەربىي يۇرت ئۇسۇل سەنىتىنىڭ تارىخىي ئۇچۇرى"، "ئەلىشىر نەۋائىنىڭ مەدەنىيەت تارىخىمىزدىكى ئورنى"، "ئون ئىككى مۇقام ۋە نەۋائىخانلىق ئەنئەنىسى"، "نورۇز بايرىمى ۋە ئۇنىڭ تارىخىي قاتلىمى توغرىسىدا"، "ھەقىقەت ئۈستىدە ئىزدىنىش ھەقىقىي تەتقىقاتچىنىڭ بۇرچى" قاتارلىق كۆپلىگەن ئىجتىمائىي مۇلاھىزە ۋە تەتقىقات ماقالىلىرى ئىجتىمائىي ھاياتىمىزنى چۈشىنىشتە ۋەمەدەنىيەت تارىخىمىزنى تەتقىق قىلىشتا يېڭى يول ئېچىپ بەردى. ھەقىقەتەنمۇ بۇ مۇنەۋۋەر ئالىمنىڭ ئاشۇ يىللاردا يازغان ۋە تۈزەتكەن "ئۇيغۇر پەلسەپە تارىخى"، "غەربىي يۇرت تاشكىمىر سەنىتى"، "قوتادغۇبىلىك خەزىنىسى"، "ئۇيغۇر مۇقام خەزىنىسى"، "سەۋدالىق تەئەججۇپنامىسى" قاتارلىق كاتتا ئەسەرلىرى ئۇنىڭ ۋاپاتىدىن كېيىن بىر- بىرلەپ نەشر قىلىندى. "بالاساغۇننىڭ ئورنى مەسىلىسى ھەققىدە"، "يىپەك يولىدا قايتا ئويلىنىش"، "سوغدىلار ۋە ئۇنىڭ ئېتنىك ۋارىسلىرى توغرىسىدا"، "چىن ۋە ماچىننىڭ جۇغراپىيىلىك ئۇقۇم دائىرىسى" قاتارلىق نەچچە ئون پارچە ئىلمىي ماقالىسىمۇ گېزىت - جۇرناللاردا ئېلان قىلىندى. بۇ ئەسەرلەر ئۇيغۇرتارىخى ۋە ئۇيغۇر مەدەنىيەت تارىخى تەتقىقاتىغا يىپيىڭى تۈس قوشقان ئىدى.

ئەپسۇسكى ئۇيغۇر خەلقىنىڭ مەشھۇر ئالىمى،تالانتلىق ئەدەبىي، تۆھپىكار باغۋىنى، مول مېۋىلىك پروفېسسورى ئابدۇشۈكۈرمۇھەممەدئىمىن ئۆزنىڭ بىر تالاي يازمىلىرىنى، گۈزەل ئارزۇ- ئارمانلىرىنى خەلقىگە قالدۇرۇپ، 1995- يىلى 2-ئاينىڭ 27- كۈنى زىققا كېسىلى تۇيۇقسىز قوزغىلىشى سەۋەبى بىلەن 62 يېشىدا بۇ ئالەم بىلەن خەيىرلەشتى.

مەنبە: http://uyghuracademy.org/uyghur/?p=346


_________________
Büyük insanlar yingi pikirlerni tartishar,
Normal insanlar Netijini tartishar,
Kichik insanlar Kishilerni tartishar.
Choqqigha qaytish Go down
 
Abdushükür Muhemmetimin
Choqqigha qaytish 
1. bet (jem'iy 1 bet)

Permissions in this forum:Bu sehipidiki yézilmilargha jawab yazalmaysiz.
Uyghur Oqughuchilar Munbiri :: Yazmilar :: abdushükür muhemmed'imingha bighishlanghan mexsus sehipe-
Buninggha ötüsh: